Conspectus historicus
| 1664 | Paedagogium reformatum conditur - prima Manhemii schola Latina - a principe electore Carolo Ludovico |
| 1700 | Paedagogium iterum ex integro conditur post urbem bello successionis Aurelianensis destructam |
| 1711 | Gymnasium Lutheranum conditur a conventu Lutherano |
| 1720 | Gymnasium Iesuitarum ab Electore Carolo Philippo conditur |
| 1730-1734 | Collegii aedificium inter Palatium partem occidentalem et ecclesiam Iesuitarum exstruitur |
| 1738 | Gymnasii Iesuitarum aedificium in "calle frigida" ("Kalte Gass") iuxta chorum ecclesiae Iesuitarum aedificatur |
| 1750 | Cassa Pia ad usum discipulorum pauperum apud gymnasium Iesuitarum instituitur; quae "Cassa" sub forma bibliothecae librorum institutionis usque post finem belli omnium gentium secundum permansit |
| 1795 | Turbis post res in Francogallia novatas ingruentibus gymnasia Manhemiensia de statu suo declinant |
| 1803 | Palatinatus Rheni dissolvitur - Manhemium sub dicionem Badeniae venit |
| 1807 | 10.11.1807: "Lyceum confoederatum Archiducale" ex tribus singularum confessionum gymnasiis formatur iussu Archiducis Caroli Friderici Badensis |
| 1872 | Lyceum nunc "Gymnasium Archiducale" nominatur, classes ordine inverso numerantur a "sexta" ad "primam" (VI-I) |
| 1896-1899 | Aedificium scholae hodiernum exstruitur |
| 1902 | Septem puellis in classem sextam admissis pueri puellaeque una educari incipiunt |
| 1907 | 31.07.1907: Anniversariis centesimis confoederati Lycei celebratis scholae titulus inditur "gymnasii Archiducalis Caroli-Fridericiani" |
| 1943 | Gradus iuniores migrare coguntur in Herrenwies et Buchheim |
| 1945 | 12.12.1945: Institutiones in aedibus ex dodrante destructis resumuntur |
| 1950 | Aedes in formam priorem refectae |
| 1962-1963 | Renovatio generalis addita tabulatione |
| 1974-1975 | Schola experimento scholastico totius pagi interest, quibus ultimi biennii cursus reformati experimentum capitur |
| 1978 | Ultimi biennii cursus reformatus ab omnibus scholis adoptatur |
| 1984 | Cursus studiorum linguarum recentiorum instituitur |
| 1996 | Cursus studiorum physicus supervenit |
| 1998 | Curriculum octo annorum instituitur |
| 2003 | Gymnasium Europaeum humanius instituitur una cum lingua Hispanica quarto loco eligenda |
| 2006 | Discipuli ingeniosiores ratione nobis propria seorsum foventur |
| 2007 | Anniversaria ducentesima Lycei Archiducalis confoederati celebrantur |
| 2006/07 | Conclavia 304 et 309 instrumentis ad experimenta aptis exornantur, ut nova ibi disciplina Physicae Technologiaeque (NWT) doceri possit |
| 2009 | Petitio tituli scholae apertae integris diebus docentis secundum examplar pagi Badeni-Wurttembergensis facta |
| 2013 | Cursus ad maturitatem novem annorum denuo praebetur |
Initia (ab anno MDCLXIV)
Anno MDCLXIV schola nostra titulo "paedagogii reformati" (h. e. scholae Latinae) a principe electore Carolo Ludovico condita est. Anno MDCCXX elector Carolus Philippus gymnasium catholicum Iesuitarum instituit. Postquam Palatinatus partes cisrhenaniae anno MDCCCIII ad principatum Badensem pervenerunt, Archidux Carolus Fridericus anno MDCCCVII scholas Manhemienses in novam formam redigens gymnasia singulis antehac confessionibus dicata coniunxit, quo pacto constitutum est "Lyceum Archiducale", quod situm erat in aedibus, quae antea collegii Iesuitarum sedes fuerant quibusque numerus est A4, inter palatium et ecclesiam Iesuitarum. Cui Lyceo plurimis annis praefuit Fridericus Augustus Nüßlin, paedagogus per totam Germaniam notissimus, qui Guilelmum a Humboldt secutus Lycea Badensia ex sententia humanismi recentioris instauravit.
Gymnasium Caroli-Fridericianum saeculo XIXmo
Anno MDCCCXX discipuli Iudaei in Lyceum admitti coepti sunt; quorum numerus deinde tanto auctus est, ut anno MDCCCLXXX iam paene tertia pars discipulorum confessionis Iudaicae essent. Anno MDCCCLXXII lycea Badensia ad exemplar scholarum Prussiacarum novo titulo "gymnasia" nominata sunt. Inter annos MDCCCLXIX et MDCCCIC aedificium scholae hodiernum exstruebatur, quod tunc temporis adhuc extra pomerium fuit. Anno MDCCCCII in "gymnasio Archiducali" - quod nulla tunc alia in schola urbis Manhemii fiebat - pueri puellaeque una educari coepti sunt: Septem puellae in quintum gradum admissae sunt. Anno MDCCCCVII in memoriam primi Archiducis Badeniae scholae titulus ille inditus est, quo hodie quoque claret: "Gymnasium Caroli-Fridericianum".
Caroli-Fridericianum saeculo XXmo
Bello omnium gentium secundo anno MDCCCCXXXXIII gradus inferiores intermediique migrare coacti sunt, aedes scholae ex besse destructae sunt, institutio mense Martio anni MDCCCCXXXXV intermissa. Mense Decembri Caroli-Fridericianum prima urbis schola superior lectiones resumpsit, licet aedificio semiusto. Quod anno MDCCCCL restauratum et annis MDCCCCLXI et MDCCCCLXII liberaliter renovatum est; dumque renovabatur, in tabulato supremo auditoria experimentis collectionibusque artium physicarum apta instructa sunt. Anno MDCCCCLXXII gymnasii Caroli-Fridericiani anniversaria trecentesima celebrata sunt, quibus verba fecit alumnus gymnasii, qui postea astrophysicae professor factus est, doctor Henricus Haber. Anno MDCCCCLXXXIV cursui studiorum classico cursus linguarum recentiorum additus est. Ex anno scholastico MDCCCCLXXXXVI item cursus physicus praesto est, ex anno MDCCCCLXXXXIIX etiam curriculum octo annorum. Ex anno MMIII Caroli-Fridericianum gymnasium Europaeum est, disciplina Hispanica vicem linguae sero discendae ex lubituque adoptandae supplente.
Das KFG im 21. Jahrhundert
Seit dem Schuljahr 2003/2004 ist das Karl-Friedrich-Gymnasium ein Europäisches Gymnasium mit Spanisch als spät beginnender, wahlweise möglicher vierter Fremdsprache.
Mit der verbindlichen landesweiten Einführung des achtjährigen Gymnasiums 2004 entfiel zunächst die Möglichkeit des neunjährigen Abiturzuges, doch wurde sie von 2013 bis 2019 im Rahmen eines Schulversuchs wieder angeboten.
In den Jahren 2009 bis 2018 erfolgte eine Generalsanierung von Schulgebäude und Schulhof.
Zur Schulgeschichte vgl. den ausführlichen Wikipedia-Artikel mit weiteren Literaturangaben.